Visualize zo un eus ar re o deus krouet ar c’henstroll ha kevredigezh ScratchLAB. Kensavet ‘neus ivez ar raktres Kontrol Yo Handz e Naoned. Pal an traoù-se eo brudañ sevenadur an Turntabism (ger krouet e 1995 gant DJ Babu evit an arz da implij ar platinoù vinyl evel ur benveg sonerezh) hag an Djing. Evel ar pennoù brudet evel DJ Q-Bert, A-Trak pe DJ Craze.
E 2011 ez eas ar maout gant Visualize e Battle Thr3estyle e Roazhon, anezhañ ur battle gwall anavezet dre ar bed !
Krouer Turnbalist abaoe ouzhpenn 15 vloaz ha sot gant ar “beatoù” eus ar re smouthañ d’ar re drummañ, hemañ ‘zo un DJ liesseurt da vat (gant gwriziennoù Hip-hop) oc’h emdreiñ atav. Profañ a ra ar gwellañ eus an Hip-Hop hag eus ar Bass Muzik.
E sevenadur ha dibarded e zibab sonerezh a gont e istor d’hon divskouarn. Gant un disoc’h « So Dancefloor ».
Hejañ a ra al leurennoù brudet evel an Ubu e Roazhon, ar Batofar e Pariz, ar Stereolux hag ar Warehouse e Naoned, an Antirouille e Montpelier hag ar Molotov e Marsilha met ivez festivalioù evel Astropolis, Couvre Feu, Hip Opsession pe c’hoazh Paco Tyson.
Category: Ribine Records
Ribines Records : Lou Berlinger
N’eo ket na re sklaer na re deñval krouadennoù ha miksoù Lou Berlinger. Koulskoude o deus dassonioù an hiraezh hag ar velkoni a-drugarez d’he levezon er minimale pe en teckno. Goude bezañ bet embannet daou EP e Arc’hantina « So warm » da gentañ gant al label Monet Records ha « Darkness Also Matters » asambles gant Microefera war Holographic Records, e krog gant un droiad en Europa. D’ar mare-se e vo pedet da seniñ e Live er Wilde Renate e Berlin, er Batofar e Pariz hag en Iboat e Bourdel. Distroet da Vro-C’hall e 2016 en em stalio e Pariz da gentañ hag e Naoned da c’houde. Aze e cheñcho penn d’ar vazh ! Dilezet he doare seniñ hag e raktresoù evit mont war-zu an Dub Tekno. Pe e live gant he mekanikoù pe o viksañ e plij da Lou seniñ tonioù bout a heklev, dronioù froumus, ha padoù silet. Lakaat a ra hec’h arvesterien hag hec’h arvesterezed da flodiñ ha da veajiñ. Da belec’h ? Homañ hepken a oar.
Ribines Records : Garak
Brice Sevin pe GARAK e anv leurenn ‘doa graet anaoudegezh gant ar sonerezh elektronek e penn kentañ ar bloavezhioù 90. Da 14 vloaz en deus e biligoù kentañ hag e lak un troad e bed an tekno awenet mat anezhañ gant Detroit, Berlin ha Pariz.
Aet kuit e-pad 12 vloaz da galedonia-nevez, GARAK a ro dorn da ziorren leurenn ar Pasifik. Aozer nozvezhioù ha festivalioù e sono hag e raio liammoù mignoniezh gant kalz a arzourien : Agoria, Oniris, Manu Le Malin, Electric Rescue, Sonic Crew, Guy J, Dj Oil, Guy Mantzur, Kevin Di Serna, Doctor Flake. Er bloavezhioù-se e raio GARAK e ved dijital dezhañ ur bed don ha flour…
Tost ouzh bretoned Astropolis e vo pedet da 24re gouel evit klozan an abadennoù Beau Rivage x Piknic Electronik dirak miliadoù a dud.
Deuet d’ar vro en-dro hag anavezet mat anezhañ e embann d’ar seizh avele broduksionoù o sinan gant labelioù evel Naeba Records pe Unstuck Musik. Ha n’eo ket echu c’hoazh.
Ribines Records : Jerome Aka Medrol
Abaoe m’eo yaouank tout eo bet maget Jerome Aka Medrol gant ar sonerezh. Mab bihan yves cariou, anezhañ kaner kan ha diskan e kreiz Penn-ar-Bed, e krog Jerome da skeiñ e dreid ouzh ar plañchod er festoù-noz asambles gant e dadig-kozh. Un nebeud bloavezhioù goude en em gav o seniñ toumperezh e strolladoù reagge, ska ha rock ‘n roll. Diwezhatoc’h avat e raio anaoudegezh gant bed ar sonerezh elektronek… DJ er c’henstroll Atomix e Mayotte, en em staliañ a ra Jerome en e gêr orin, Brest e lec’h ma krou ar c’henstroll Epistaxis asambles gant e gompagnun, The Grand Master Der ! Distroet da donioù “furoc’h”, eus an Indie Dance d’an Techno, eus an Tech House d’ar Break Beat, dont a ra da vezañ arbennik war an After Kitchen gant e vignoned Azeria ha Rudz.