D’ar 16 a viz Here oa bet aozet gant poellgor Naoned Breizh Unvan un diviz bras. Pedet oa bet Julie Laernoes, danvez maerez e ti-
kêr Naoned anezhi, da gemer perzh ha da embann he soñj war sujedoù evel an adunaniñ pe ar brezhoneg. Melaine zo bet o c’houlenn ganti penaos ‘doa kavet an eskemm-mañ gant emsaverien Bro-Naoned.
Eilmouezhiañ gant Liza Jakez-Vargas.
KERNITRON-AL-LANN, UR RAKTRES SKOL DIWAN HAG UR FEST-NOZ D’E HARPAÑ !
Abaoe un nebeud mizioù bremañ e klever kaoz eus ur raktres skol Diwan e Kernitron-Al-Lann. Brendan Guilllouzic-Gouret ‘zo perzh eus ar c’huzul skoazell, deuet eo da astenn ar gaoz e mikro Marianne ha da zisplegañ deomp penaos e ra ar skipailh evit arc’hantaouiñ ar raktres dibar-mañ.
Fest-Noz skoazell : d’ar Gwener 25 a viz Here – da 8e noz – Sal Cassiopée e Kernitron-Al-Lann – 5 €
Gant : Sans Façon – A-Stroll – Pedrot-Lardière – Amzer ‘zo – Giuilia & Enora
https://www.facebook.com/events/576053896264032/
Un atersadenn diwar-benn ar stal “Lavarout ur Sorbienn” animet gant Yann-Ber Quirion hag aozet gant Kentelioù an Noz.
Lakaet ‘vo ar gaoz war an doare da zeskiñ “lavarout” sorbiennoù, war petra eo ret pleustriñ, war ar sorbiennoù dre-vras …
Ar stal a vo bep Sadorn e kreizenn Yezhoù ha sevenadur da 10e30.
D’an 18, 19 hag 20 a viz Here e vo aozet ur festival “As Queer As Folk”. Divi Kerbrat ‘zo deuet da astenn ar gaoz gant Marianne 
Vaidie evit displegañ d’ar selaouerien·ezed penaos e vo direizhet an dañsoù folk pe hengounel !
Evit gouzout dre ar munud petra eo programm ar festival-mañ selaouit an atersadenn-mañ !
Evit goût hiroc’h : https://asqueerasfolk.log.bzh/
