Ur plac’h a fell dezhi dimeziñ nemet gant ur paotr e zent glas. Un deiz e teu un den d’he goulenn da bried. Glas eo e zent ! Graet eo 
an eured hag ar priedoù nevez a ya da vevañ e ti ar paotr e zent glas e-kreiz plantadegoù korzh-sukr.
Ul labourer a gav ur c’haran gloazet en ur rizeg. Ober a ra war-dro al labous gloazet. Ar c’haran ur wezh pare a nij kuit. Tri devezh pelloc’h e teu ur plac’h yaouank da skeiñ ouzh dor ar paotr…
Ar boñsined a vev sioul gant o mamm en un atant tu bennak e Sina. Setu ma kouezh war o mamm ur c’hazh-tigr. Hag e ouezint adkavout an torfedour ? Moarvat, gant amzer ha skoazell un nebeud mignoned.
Bran a c’houlenn digant Mamm-gozh ur grampouezhenn. Ya a respont Mamm-gozh, ha goulenn a ra digant Bran kempenn he figos… A c’houlenn da respont e vo kaset bran pell diouzh ar bern krampouezh avat, ha dañjerus e vo eviti.
Div sorbienn n’int ket mel dous evit mistri ar bed-mañ…
Unan a zispleg penaos eo deuet d’an denion livioù kroc’hen disheñvel ha pezh a c’hoarvezas da heul…
En eil, un Indianig, ruz, a sav da lavarout d’e vestr un huñvre m’edont o daou e-barzh…
Kaozioù ha marvailhoù. Un abadenn kaset da benn gant Yann-Bêr Quirion bep Lun da 7 eur noz war Radio Kern-Naoned.
Beajig e lennegezh teodel Afrika.
Ma kejer gant ul loenig a rank bezañ louarn evit bezañ e-touez ar re vras, ha ma kejer ivez gant ur paotr yaouank ha n’eo ket a-walc’h dezañ tremen diouzh skiant ar re gozh hag a ya gant an hent da zizoloiñ traoù espar.
