Naoned e Live ! Grit anaoudegezh gant arzourien hag arzourezed ar vro !
Rock, folk, elektro, tonioù rap pe jazz. Gwezh ar miz e kinnigomp deoc’h un eurvezh sonadeg enrollet en hor studioioù.
Gloria Cicada zo tremenet dre studio Radio Naoned :
Gloria Cicada zo ur strollad bet savet e 2020 pa oa kenfinet an dud er gêr ‘blam d’an enkadenn yec’hed. Ha ya, dav eo din lâr eo da gentañ Kévin ha Rebecca ur c’houplad. Ur c’houplad arzourien eta ! Rebecca zo komedianez a-vicher, kanerez emzesket e ra pep tra diwar glevet. Da 8 vloaz he doa skrivet Rebecca he barzhonegoù kentañ hag e 2010 en em gav war al leurennoù evit an arvest “Des jouets en colère”. Kévin zo eñ animatour. Kroget e oa gant ar Sakso da 7 vloaz ha ne baouezo morse da c’hwezhañ er benveg-mañ. Seniñ a ra e meur a strollad ha tro nez d’en em gavout war leurennoù digor Bro-Naoned. E miz Even 2020 e klask ober gant mekanikoù elektronek : ur synthe hag ur mekanik Sampler. Setu ganet Gloria Cicada, un daouad kanaouennoù teknoid levezonet gant bedoù sonerezh liesseurt evel Serge Gainsbourg, Odezenn, Boris Vian pe Marie Davidson. Met ivez gant strolladoù rock evel Radiohead, Noir Désir, The Chemical Brothers, Rage against The Machine pe c’hoazh les Rita Mitsouko. Ale bremañ ma anavezit hollved Gloria Cicada, grit anaoudegezh gant o sonerezh.
ganti war leurenn an taol lañs aozet e Langoned da-genver Gouel Broadel ar brezhoneg e miz Gouere.