Tud ‘zo en em vodet e karter Dalby e Naoned da sevel ur c’henstroll nevez “Les Soupes Solidaires”. Gwech ar sizhun e vez fardet 
boued ha roet digoust d’an neb ‘nije ezhomm. Evit ma vo padus an intrudu o deus ezhomm tud ar c’henstroll donezonoù boued met ivez maskloù pe testenioù dilec’hiañ. Mael zo bet o reiñ dorn er soubennoù kengred, lavarout a ra da Varianne Vaidie ar perak hag ar penaos eo bet krouet ar strollad-mañ.
Abaoe 2018 ez eus moaien deskiñ brezhoneg dre gentelioù-noz e Redon. Amandine Streff zo prezidantez ar gevredigezh Gwelet ‘vo hag Alice 
Chour-Darmes sekretourez. Respontet o deus int o-div da c’houlennoù Marianne Vaidie.
Lec’hienn Gwelet ‘vo
Bev eo ar brezhoneg e Roazhon ha bev-mat ! Ouzhpenn 10 vloaz ‘zo bremañ e oa bet krouet ur c’henstroll da vodañ izili ar 
c’hevredigezhioù ar vro a ra gant ar brezhoneg. Brezhoneg e Roazhon ‘noa kinniget un destenn d’an ti-kêr evit ma vo diorroet implij ar yezh er vuhez foran en dazont. Daoust d’an ti-kêr bezañ bet sinet ar garta-mañ n’eo ket bet tizhet an holl balioù c’hoazh !
Olier Ar Mogn, rener skiantel Ofis Publik Ar Brezhoneg e Roazhon, ‘zo bet ouzh mikro Marianne Vaidie. Displegañ a ra deomp palioù kenstroll Brezhoneg e Roazhon, ha petra a ra diouer er veurgêr.
En amzerioù koshañ eo bet lonket Heol ha Loar gant ur roñflez. Ha neuze, a-belec’h e teu an Heol hag al Loar a anavezomp hiziv ?
