Kronikenn an tunioù mat gant :
Les voisins bio, paneroù bio ‘ba Brest
La Cantoche, ostaleri kevredigezhel ‘ba Brest
Atersadenn ar sun gant Zan Michat
Sonerezh an atersadenn : Le vent nous portera gant Noir Désir
Goulennoù-labour
Atersadenn ar micherioù gant Liza Jakez-Vargas
Sonerezh fin : Un peu de haine gant PLK
Don’t stop me now gant Queen
KERNITRON-AL-LANN, UR RAKTRES SKOL DIWAN HAG UR FEST-NOZ D’E HARPAÑ !
Abaoe un nebeud mizioù bremañ e klever kaoz eus ur raktres skol Diwan e Kernitron-Al-Lann. Brendan Guilllouzic-Gouret ‘zo perzh eus ar c’huzul skoazell, deuet eo da astenn ar gaoz e mikro Marianne ha da zisplegañ deomp penaos e ra ar skipailh evit arc’hantaouiñ ar raktres dibar-mañ.
Fest-Noz skoazell : d’ar Gwener 25 a viz Here – da 8e noz – Sal Cassiopée e Kernitron-Al-Lann – 5 €
Gant : Sans Façon – A-Stroll – Pedrot-Lardière – Amzer ‘zo – Giuilia & Enora
https://www.facebook.com/events/576053896264032/
Ur gronikenn kinniget gant Liza Jakez-Vargas.
“Penn-kil-ha-troad”, ur gronikenn gant ur penn hag ul lost ! Deskit geriaoueg lies ha dic’hortoz savet diwar lodennoù ar c’horf gant un heuliad sizhuniek.
Notenn : Puilh eo an niver a droioù-lavar ha keñveriadennoù liammet ouzh ar c’horf e brezhoneg. Ne oa ket plas evit lakaat anezho holl siwazh ! Bezit fri-furch ha digorit ho keriadurioù muiañ-karet neuze !
Geriaoueg kofek ar sizhun (dre urzh al lizherenneg pe dost) :
A-dreuz-kof : bezañ astennet e gof war al leur
Bezañ brasoc’h e c’henoù eget e gof : a zebr muioc’h eget ar pezh na c’hall ober
Bezañ reut e gof : bezañ leun e gof gant ar boued
Bouton-kof : begel
C’hoarzhin leizh e gof : c’hoarzhin kalz
Dornañ unan bennak a gof da gein : e bilat penn-da-benn
Eostiged en e gof : trouz er c’hof (a vez implijet gant ar c’hezeg sañset met kavet em eus farsus implijout d’un doare all)
Kofek : ur c’hof bras gantañ·i
Kofañ : unan bennak a laka pouez warnañ·i dreist-holl e lodenn ar c’hof
Kofoù-gar : kein ar garoù
Kofoù-brec’h : div gigenn ar vrec’h
Kof-bihan : stomog
Kofigoù : kofoù kleiz ha dehoù ar galon a stard hag a zistegn evit lezel ar gwad da dremen
Kofigoù-ruz : boc’hruzig pe un den berrboell
Kof-ha-kof : daou zen peg an eil ouzh egile
Kof-gwin : a blij evañ gwin/ alkool dezhañ·i
Kof-stamm, bras, don : lontek
Mont e gof en e gein : Bezañ treut-tre
N’a ket da gozh an hini na laosk ket a avel eus e gof
Ober kof(ig)-rous : rouzañ dindan an heol
Ober kof-moan : chom hep debriñ
Red-kof : foerell, dipadapa
MØEBIUS:
A orin eus Brest ha DJ abaoe 1995, hemañ ‘zo sot gant an abstract hiphop, an turntablism, an IDM hag an tekno.
Peurlipat a ra e DJsets en un doare livet gant takennoù Downtempo, Electronica ha Tek / House.
Goude 8 vloaz tremenet er Pasifig, krouer ar strolladoù NOMAD SOUL PROJECT ha KOSMOPOLITE MUSIC e Nouméa, dont a ra da Naoned evit kenlabourat gant RIBINES RECORDS.
Fenoz ‘neus fardet deoc’h un DJset Deep House kompozet gant arzourien evel Kollektiv Turmstrasse, Maribou State, French 79 ha kalz a reoù all…
Ur veajig egoramzel gant kensonegezhioù turkvaen.
Gall’ a rit selaou holl miksoù MØEBIUS gant MIXCLOUD !
