En abadenn fenoz :
– Atersadenn Yvon Bourles diwar-benn e gevredigezh Mira Baï a ginnig kentelioù dañs indezat e Roazhon.
– Ar festival Les Utopiales dalc’het e Naoned bep bloaz da ziskoachañ er gronikenn Diskouez Din.
– Pevare lodenn an heuliadenn gant Yowan Denez.
– Un ton nevez da selaou gant ar strollad Puissance Cube.
Ar gompagnunezh Aramis ‘zo ur gevredigezh hag a ginnig stajoù dañs evit an dud nammet hag ar re n’int ket. He fal, dizramaekaat selloù an dud war gwanderioù. Ouzhpenn aozañ atalieroù e kinnig Aramis stummañ animatourien·ezed, dezho da zeskiñ merañ an embregerezh korf gant an holl.
Marianne he deus bet c’hoant gouzout un tamm muioc’h diwar o fenn. Kontañ a ra pep tra deomp diwar-benn ar gevredigezh Aramis.
https://aramisdansehandicap.fr/les-ateliers/index.html
Poltred gant : Luc Bonaldi
As Queer As Folk zo ur strollad tud Queer (n’int ket arallreviat) a ra kentelioù dañs folk ha hengounel abaoe 2016. Dre an atalieroù-se e vez desket dañsoù hep reolennoù ar batriarkiezh en un doare gwregelour ha queer.
Ur gronikenn gant Divi Kerbrat.
