Tag: Elektro

Ribines Records : Paulette Sauvage

Paulette Sauvage a implij an tekno evel ur goaf hag ur skoed, plijout a ra dezhi c’hoari gant an dislavaroù. Brañsellat a ra he setoù etre ar yenijenn, an tommder, an tizh hag ar gorregezh. Un doare tekno deep, da lâret eo don ha diempret gant ur groove dic’hortoz. Sonerezhioù an amzer-tremenet o taremprediñ gant sonerezhioù a-vremañ hag a lak ac’hanomp d’en em santout bev en un doare difin. Sonet he deus e gouel Astropolis, evit an darvoud Wet For Me e La machine du Moulin Rouge pe c’hoazh evit ar Made Festival e Roazhon. Deiziataet eo ivez e Naoned evit an darvoud Usées Coutumes, Lunacy, les gouters électroniques pe c’hoazh Sweatlodge.

 

 

https://www.facebook.com/paulettesauvage/

https://soundcloud.com/paulette-sauvage

 

Pellgargañ an abadenn

Ribines Records : Cool Kit

Cool kit arzourez disuj bed queer Bro-Naoned a oar sublimañ an doareoù sonerezh ha kendeuziñ anezho evit krouiñ he sonerezh dezhi.
He setoù bouetet gant tonioù disco a ya da flourañ he zempoioù betek bezañ nec’hus a-wechoù. Stekiñ a ra al luskoù aheurtet hag ar sonennoù birvidik an eil ouzh ar re all en ur vorteks peurvat.
Cool Kit a zisamm energiezh ha diroll an dud gant nerzh arouezus he sonerezh. Ur bedadenn d’an diskar d’ar c’horfoù, da wallegezh ar bezañs hag an-unan.
Er fin e kouezh bepred ar vragerisoù ha pa n’eo ket he hini a zo kouezhet da gentañ.

 

 

 

Pellgargañ an abadenn

Ribines Records : OR’L

Aozer nozvezhioù PAN-PAN e Naoned, OR’l ‘neus bet tro da bediñ : Tronik Youth, Reno (House of Moda), Paulette Sauvage, Cool Kit, Niv Ast, MontCosmik, Alda, Kino Todo, RAG, Kiddy Smile, Alder, David Shaw, Damon Jee, Ravintsara …
Er c’houlzad 2016-2017 e oa e karg eus programmadur an nozvezhioù CLUB NUIT el Lieu Unique e Naoned ! Aze ‘noa degemeret : Kiddy Smile, Cosmo Vitelli, House of Modan pe c’hoazh Shaun J. Wright.
OR’l’neus lañset ivez an nozvezhioù Fair-Play e L’escalier Club e Sant-Maloù. Abaoe 2001 e ped bep miz arzourien etrevroadel evel : Leon Vynehall, Mr Ties, Detroit Swindle, Kink, Jeremy Underground, Kyodai, Marc Romboy, Agoria. Kas a ra an dud davet dremmwelioù pell, davet diskoachadennoù sonerezh hedoneg. E sonerezh : Indie-Dance, Dark Disco, Afro-House.

Sound Cloud

 

Pellgargañ an abadenn

Ribines Records : Rudval

Rudval eus Infinity Creation a ginnig e viks deomp.
Ganet e Kemper gant orinoù a Vro-Vartinik. Rudval ‘zo e anv gwir Valère. Abaoe 2000 emañ eñ o seniñ evel Dj. Krog e oa da seniñ gant ur stil Ragga Jungle, Drum & Bass e bed underground Penn-ar-Bed e-barzh an tavarnioù, ar c’hluboù pe gant mignoned. Emezelañ a ra goude-se e meur a strollegezh ha kregiñ a ra da seniñ gante e kornog ar vro. Tamm-ha-tamm e kerzh e deiziadoù e klask seniñ doareoù nevez evel ar sonerezh House hag an tekno.
Distreiñ a ra da Naoned adalek 2009 hag aze e raio anaoudegezh gant e genseurted, ganto e vo krouet ar strollad PHILADELA, hag a vo kinniget da dud ar Bassmusic hag an Dubstep betek 2013. Hiriv emañ Rudval programmour arzel e meur a lec’h, Dj e-unan-penn pe gant e vignon Zeppo.
Kinnig a ra deomp ur set doare afro-house, Techno-groovy pe c’hoazh blazioù sonerezh a bep seurt.

Pellgargañ