– Atersadenn Tara Adeux, kenurzhierez ha Liza Jakez-Vargas kelennerez war ar brezhoneg er gevredigezh Kentelioù an Noz diwar-benn ar staj hañv kenaozet gant Skol an Emsav.
– Ar gronikenn Labous Web.
– Kristin David bet kelennerez war ar brezhoneg e toull-bac’h Naoned etre 2011 ha 2015 a zo ganeomp ar sizhun-mañ evit an heuliadenn.
– Strollad a vro Roazhon ar sizhun-mañ : Cut The Alligator.
– Liza Jakez-Vargas, teñzorerez ar gevredigezh Toumpi, a zispleg deomp peseurt c’hoarioù a vo krouet ganto. Ur raktres harpet gant ar Redadeg.
– Ar gronikenn Desaver buzhug
– Gwenole Gernigon a ginnig deomp hentenn divyezhek ar skol Yann 23 e Gwitreg
– Strollad ar sizhun : Albinos Congo
– Atersadenn Liza Jakez-Vargas diwar-benn raktresoù ar gevredigezh Toumpi arc’hantaouet gant ar Redadeg.
– Ar gronikenn Ouzhpenn ar vretoned ‘zo. 
– Heuliadenn ar sizhun : Kristin David bet kelennerez war ar brezhoneg e toull-bac’h Naoned.
– Strollad ar sizhun : ar c’haner Victor Solf.
Ur gronikenn kinniget bep Yaou gant Liza Jakez-Vargas.
“Penn-kil-ha-troad” ar gronikenn gant ur penn hag ul lost ! Deskit geriaoueg lies ha dic’hortoz savet diwar lodennoù ar c’horf gant un heuliad sizhuniek.
Notenn : Puilh eo an niver a droioù-lavar ha keñveriadennoù liammet ouzh ar c’horf e brezhoneg. Ne oa ket plas evit lakaat anezho holl er gronikenn siwazh ! Bezit fri-furch ha digorit ho keriadurioù muiañ-karet neuze !
BIZ / BIZIED
Ar pemp biz :
ar biz-meud
ar biz-yod/liper
ar biz-bras/kreiz
ar biz-gwalenn/bizoù/kalon/magerez
ar biz-bihan
Biz warn-ugent : anv a roer d’ar c’halc’h
Bizied gant an traoù : ar gwiniegi, horolajoù (evit diskouez an eur), eurieroù (memes tra), ferc’hier, rastelloù, heskennoù
Bizied al loened : gant ar c’hranked
Bezañ e vizied kamm ouzh e veud : bezañ pizh-tre
Bezañ kaset d’ar gêr gant e viz-bihan : bezañ kaset d’e blas en-dro.
Bizaouier : den a ra pe a werzh bravigoù
Bizek : unan bennak gant bizied bras pe un ostilh bennak gant dent
Biziad : poan-viz
Biziata : c’hoari gant e vizied, biziata ur binioù da skouer
Biz-ha-biz : evel pa zañser
Bizoù : gwalennoù
C’hoari bizig-ha-bizig : c’hoari hep goulenn arc’hant
C’hoari biz-meud : gortoz bezañ tapet gant ur c’harr digoust
C’hoari ar biz mezv : c’hoari boeson
Gouzout dreist-penn-biz : gouzout un dra bennak dre an eñvor, mat-kenañ
Gouzout e pe viz emañ an drein : chom hep gouzout petra hor bez c’hoant
Kammañ e vizied : laerezh
«Ken […] ken ma verv ar gwad em biz-bihan» : fulor-ruz
«Ken gwir ha ma’z eus pemp biz war ma dorn !» : gwir 100%
Kouezhañ e viz(ig) en e zorn : bezañ dipitet
Lienañ ar biz kontroll : faziañ
Lipat e viz e ti unan all : mont da skoatiñ e ti unan bennak evel un teureug
Meudad : muzul gant ar biz-meud
Ober biz :ober kentel da unan bennak, gourdrouz
Reiñ biz : harpañ unan bennak muioc’h evit unan all
Skaotañ/Poazhañ e viz : faziañ groñs
