Ar bloaz-mañ ‘vo kentelioù brezhoneg e Sant-Stefan-Brengoloù ! Ar c’hevredigezhioù kentelioù an Noz hag Egin o deus labouret a-gevret evit digeriñ ur strollad live deraouidi er gumun.
Pascal Henry ‘zo deuet da gaozeal ouzh mikro Marianne, deomp da c’hoût un tamm hiroc’h war ar raktres-se.
Gireg Ar Gevel ‘zo rener ha skolaer e Skol Diwan Sant-Ervlan. Deuet eo da doullañ kaoz gant Marianne e studio Radio Naoned. 
Lakaat a ra ac’hanomp d’ober anaoudegezh gant ar skol ma labour enni ha da gompren ivez petra eo ar vicher skolaer. Klevet ‘vo e soñj diwar-benn ar brezhoneg, ar yezh m’eo bet eñ desavet ganti.
Un eurvezh hanter asambles gant Gael Roblin ha Brendan Guillouzic-Gouret evit dielfennañ disoc’h sontadeg Dibab – UR SONTADEG EVIT BREIZH !
Un abadenn lusket gant Marianne Vaidie ha Melaine Looten e studio Radio Naoned.
Evit gouzout hiroc’h : http://dibab.bzh/fr/ – Facebook : https://www.facebook.com/dibabdecidezlabretagne/ – Twitter : https://twitter.com/DIBAB_BZH
Bet e oa bet Tudual e Hendaia e miz Eost da stourm a-enep ar G7 !
Kontañ a ra da Varianne penaos e oa aergelc’h Bro-Euskadi d’ar mare-se.
