Tag: OPAB

Ul levrig familh e brezhoneg evit ar wech kentañ e Naoned

Tifenn Merien ha Brendan Guillouzic-Gouret zo bet en em gavet sizhun ‘zo asambles gant o merc’h Lupita e ti-kêr Naoned. Deuet e oant da gerc’hat o levrig familh… Met unan divyezhek galleg / brezhoneg o doa goulennet kaout. Laouen e tle bezañ an dud yaouank gant an degemer en abeg ma oa ar wech kentañ da di-kêr Naoned lakaat embann paperioù ofisiel e brezhoneg. Marianne Vaidie a oa war al lec’h ivez da enrollañ soñjoù Brendan Guillouzic-Gouret. Un arouez eus ar c’hentañ eo ivez hervez Visant Roue anezhañ rener Pol Studi ha Diorren Ofis Publik Ar Brezhoneg.

 

 

Pellgargañ

Atersadenn Olier Ar Mogn : Ar c’henstroll “Brezhoneg e Roazhon”

Bev eo ar brezhoneg e Roazhon ha bev-mat ! Ouzhpenn 10 vloaz ‘zo bremañ e oa bet krouet ur c’henstroll da vodañ izili ar c’hevredigezhioù ar vro a ra gant ar brezhoneg. Brezhoneg e Roazhon ‘noa kinniget un destenn d’an ti-kêr evit ma vo diorroet implij ar yezh er vuhez foran en dazont. Daoust d’an ti-kêr bezañ bet sinet ar garta-mañ n’eo ket bet tizhet an holl balioù c’hoazh !
Olier Ar Mogn, rener skiantel Ofis Publik Ar Brezhoneg e Roazhon, ‘zo bet ouzh mikro Marianne Vaidie. Displegañ a ra deomp palioù kenstroll Brezhoneg e Roazhon, ha petra a ra diouer er veurgêr.

 

Pellgargañ

Bac’het en ti #28

Bac’het en ti, an abadenn gant Radio Kerne ha Radio Naoned.

Ar skolaer Kaou Dono diwar-benn an distro-skol aterset gant Benjamin Bouard.
Mael Gwenneg rener-programmoù e brezhoneg e Frañs 3 diwar-benn ar prizioù hag ar chenchamantoù e FR3 ‘blam d’ar c’hovid 19. Un atersadenn graet gant Tunvezh Wlagen-Granjean
Un tamm bruderezh diwar-benn ar gevredigezh “Restachoù Mad” e Plozevet gant Benjamin.
Ar soner Michel Toutous, a gemer perzh e-barzh ur film savet gant Phillippe Guilloux diwar-benn an dañs-tro. Un atersadenn graet gant Tomaz Laken.
An embregerezhioù VS ar Stadoù gant Laeticia Fitamant
Keleier gant Neven Penneg

Pellgargañ an abadenn

Atersadenn Visant Roue : Rener pol studi ha diorren OPAB

Visant Roue, rener pol studi ha diorren Ofis Publik Ar Brezhoneg e Bro-Naoned a zo ouzh mikro Marianne Vaidie.
Gantañ e vo graet ur poent war an araokadennoù graet gant OPAB e Breizh pemp departamant.
Penaos vez gouzañvet ganto an diforc’h etre Rannvro Breizh ha hini Broioù al Liger.
Ar politikerezh yezh a vo lakaet war-wel ivez, peseurt binviji a vank dezho evit diorren ar brezhoneg el Liger-Atlantel ha strivoù ar c’humunioù da ziskouez muioc’h a vrezhoneg en o c’hêrioù.

 

Pellgargañ