AN AOURGI HAG AR C’HROKODIL
An aourgi a blij dezhañ debriñ kranked ha meskl e genou ar stêr, e disheol ar gwezh o delioù bihan ha bras. Diwall ! Ar c’hrokodil zo skoachet tu bennak.
AR C’HOUER, AN ARZH HAG AL LOUARNEZ
Ur c’houer zo mignon gant un arzh. Goulenn a ra digantañ hadañ boetrabez gantañ. Da vare an eost e ro da c’hopr d’an arzh ar pezh a zo a-us d’an douar hag e vir gantañ ar pezh a zo dindan an douar. Oups !
Ur gronikenn kinniget gant Liza Jakez-Vargas.
“Penn-kil-ha-troad”, ur gronikenn gant ur penn hag ul lost ! Deskit geriaoueg lies ha dic’hortoz savet diwar lodennoù ar c’horf gant un heuliad sizhuniek.
Notenn : Puilh eo an niver a droioù-lavar ha keñveriadennoù liammet ouzh ar c’horf e brezhoneg. Ne oa ket plas evit lakaat anezho holl er gronikenn siwazh ! Bezit fri-furch ha digorit ho keriadurioù muiañ-karet neuze !
Geriaoueg keinek ar sizhun (dre urzh al lizherenneg pe dost) :
KEIN / KEINOÙ
Kein : rann a-dreñv etre ar c’hilpenn hag ar revr. Bezañ a-dreñv unan bennak. Rann a-dreñv lodennoù all eus ar c’horf pe traoù (fri, armel, kador, savadur…)
Kil : lodenn a-dreñv ar c’horf. Implijet evit deskrivañ tu enep d’an tu a weler da gentañ pe da bouezusañ (dorn, falz, kontell, medalenn…).
Ar re am meule dirazon am difrege a-dreñv da gein (krennlavar) : ar re a gomz brav dirazoc’h a c’hall droukkomz diwar o fenn da c’houde
A c’hwen e gein : bezañ gourvezet war e gein
Bezañ evel kein ha roched : en em glevout mat-tre gant unan bennak
Bezañ krommet e gein : bezañ daoubleget
Bezañ sec’h e gein : bezañ pizh
Bezañ war chouk unan bennak : atav oc’h evezhiañ unan bennak
Chouk : lodenn uhelañ ar c’hein
Choukañ : sankañ, leuniañ un dra bennak betek re
Flourañ kein unan bennak : bezañ jentil gant unan bennak evit kaout un dra bennak en eskemm
Keinal : klemm
Keinata, choukata : Kargañ un dra bennak war e gein
Kein Breizh pe Kein ar Vro : lesanvioù roet d’ar Menezioù-Are
Kein-dre-gein : mesk-ha-mesk
Keinek : ur c’hein bras/ledan gantañ·i
Kein-gwiz : Gorrekaerioù a dorr tizh ur c’harr.
Keinvan : klemm a ziskouez glac’har pe boan.
Keinvor : lodenn eus ar mor zo ar pellañ eus an oad.
Keinvro : lodenn eus ar vro zo ar pellañ eus ur gêr.
Keinwisk : pezh dilhad pe baper a wisk ar sportourien ha sportourezed, un niverenn warnañ da skouer.
Livenn-gein*, gwalenn-gein* : Ar regennad eskern bihan a-hed kein den pe loen.
Mell-kein : ar pezh a gaver el livenn-gein
Ober lamm-chouk-e-benn : ober ul lamm en a-raok o treiñ warnañ e-unan
Ober kein d’unan bennak : sikour un den o tougen anezhañ
Ober ar c’heinek : «kaout ur c’hein mat» e galleg flour
Pigosat war kein unan bennak : droukkomz diwar-benn unan bennak
Poan-gein
Sachañ ar c’hravazh/ar c’harr war e gein : desachañ trubuilhoù
Sac’h-kein
Sevel e gein : bezañ en ur stad gwelloc’h. Mont war wellaat.
Terriñ keuneud war kein unan bennak : droukkomz diwar-benn unan bennak
Treiñ kein da unan bennak : dilezel unan bennak
Pascal Henry a zo bremañ war e leve padal e yaouank ar paotr c’hoazh hag ur bern traoù a vez graet gantañ evit ar yezh evel da 
skouer reiñ kentelioù-noz gant ar gevredigezh Kentelioù an Noz.
Paotr Sant Stefan Brengoloù a zo bet o labourat er c’hirri-nij, penn-logell pe steward a vez graet deus e vicher gozh.
Ouzhpenn servij an dud, ar penn-logelled a zo stummet war meur a dra … Ar surentez, penaos ober dirak tud ankeniet gant ar c’hirri-nij pe c’hoazh penaos ober war-dro an dud klañv o spered.
Hadz ha Seydou eus ar c’henstrollad TK2 (strollad DJed / produerien a Vro-Naoned) zo sot gant an drum ‘n ‘bass abaoe bloavezhioù.
Skignet o deus o sonioù e meur a davarn pe glub ha sonet o deus gant anvioù-meur al leurenn etrevroadel.
Troet war un drum ‘n ‘bass deep ha nerzhus, bepred o klask tonioù nevez a c’hell bezañ degaset gant ar sonerezh-mañ, setoù teknikel ha prientet eus ar gwellañ…
Degemer mat en o bedig.
