Guy ha Mathilde : Ar sonerezh e divskouarn ar vugale
Ar bloaz-mañ o deus kenlabouret Radio Naoned ha Skol an emsav evit kinnig d’ar stajidi ha stajiadezed ober anaoudegezh gant micherioù ar radio. Plijadur o deus kemeret o teskiñ sevel ur gronikenn, frammañ, kaozeal er mikro, sevel blenier un abadenn.
Ha deuet eo brav ganto, pemp abadenn vo da selaou liesseurt o danvezioù.
Ha setu abadenn Mathilde ha Guy a ginnig deoc’h un abadenn diwar-benn implij ar sonerezh hag ar c’hanaouennoù gant ar vugale.
Tud aterset :
Mallorie Creac’h
Maryvonne berthou
Skolidi ar Marsauderies
Tag: Skol
Diwan Naoned Su : Diaes ar jeu evit an adskol
Digor eo skol Diwan Naoned Su abaoe 2012 hag abaoe 2015 o deus dilojet er c’harter Clos-Toreau.
6 bloaz zo neuze emañ ar skolidi hag ar skipailh o labourat e-barzh ranndioù prestet gant ti-kêr Naoned.
Hag evel-just n’eo ket kondisionoù dreist evit ar vugale, an atsemed hag ar skolaerien.
Laurie Le Brouster a-youl vat evit Radio Naoned a zo bet o reportajiñ eno.
An dud aterset Flors Quatrevaux skoazeller, Marie Ronvel skolaerez, Mael tad ur bugel ha skolidi.
Atersadenn Gwenaelle Bizien : Ur c’henlabour etre bugale Diwan Naoned hag ar skipper Louis Burton
Gwenaelle Bizien ‘zo skolaerez e Diwan Naoned, sot gant ar bageal-dre-lien eo ivez. Anat e oa dezhi neuze e vije bet lakaet ar gaoz 
war ar Vendée Globe gant bugale he c’hlasad ! Asambles gant tad ur bugel o deus darempredet gant ar Skipper Louis Burton ha divizet krouiñ ur c’henlabour. Ar re vras hag ar re CP a c’hello neuze heuliañ ar redadeg war vor, met ivez, ober anaoudegezh gant geriaoueg ar mor, al loened dour, ar bigi…
Marianne Vaidie zo bet o toullañ kaoz gant Gwenaelle Bizien. Ha klasket he deus gouzout un tamm hiroc’h war munudoù ar c’henlabour-se.
Atersadenn Gireg Ar Gevel : Un distro-skol ispisial
Cheñch dicheñch e oa bet ar reolennoù an devezhioù paseet ! Koulz lavaret e oa luziet aozañ un distro-skol seder. Mouchañ frioù ar 
vugale gant ur maskl adalek 6 vloaz, enoriñ memor Samuel Paty… Kemend a draoù divoaz !
Gireg Ar Gevel ‘neus kontet da Varianne Vaidie penaos eo bet tremenet an traoù e skol Diwan Sant-Ervlan. Hag a-benn ar fin n’eo ket bet re ziaes !
