Demat deoc’h holl selaouerien Radio KerneNaoned. Amañ Laorañs gant an abadenn e selaouit pizh bep Yaou pe bep Sul pa ne oarit ket petra ober pa n’emañ ket brav an amzer er-maez, an abadenn Flik-ha-Folk, hoc’h abadenn sonerezh blues, bluegrass ha folk !
An Diskar-Amzer a zo erruet, an Hañv ne vo ket pell, neuze eo poent distreiñ dindan ar plaidoù, evañ un tasad
chokolad gant laezh ha selaou sonerezh ha tonioù a-feson.
Evit en 11vet abadenn e vo kinniget deoc’h ur meskaj deus un tamm pep lec’h.
Prest da veajiñ e Bed ar folk, ar blues pe ar bluegrass ? Digoret eo ho tivskouarn ? Deomp de’i neuze !
Tag: Sonerezh
Ribines Records : C.V.P.O
O chom e brest emañ CVPO.
Ezel deus ar strollegezh WestSound ha ken diazezer al label Chien Sans Collier Records.
Buheziñ a ra an abadenn Cold Kultur war ar radio fréquence Mutine.
An dj CVPO a zo klask e levezonoù e-kerzh leurennoù elektro teñval a bep seurt. 
E sonadegoù evel dj a zo o vrañsellat gant a bep seurt stil sonerezh underground evel an EBM, an techno, ar sonerezh Punk an elektro hag ar sonerezh industriel.
Sonet neus dija war leurenn Astropolis, ar Macadam, la Suite hag en deus sonet ivez gant arzourien evel Max Durante, Rendered, Minimum Syndicat, Varg, Luxe Vibert, Radical G ha gant ar strollad Shxcxchcxsh.
An Dj CVPO a zo un arzour yaouank gant un dazont grataus e bed ar sonerezh elekro.
Ribines Records : DJ Bren
Ur songarour eo DJ Bren. An tekno, Acid, an House hag an Hard music a zo ar stiloù-sonerezh a blij dezhañ ar muiañ.
Plij a ra dezhañ rannañ gant karantez e dibaboù gant an holl.
O klask emañ memes tra bezañ war evezh gant an arvesterien. 
Chom hep koll an dud evit desachañ an holl.
Hag o cheñch emañ e setoù atav. Etre ar mintinvezhioù dous, tommder fin an abardaevezh pe c’hoazh an nozvezhioù fromus …
Hervez an eur DJ Bren a ginnig sonadegoù disheñvel mik.
Ret eo lakaat an dud da fiñval da zañsal. Ne vez ket sonet neus forzh petra evit neus forzh piv setu leitmotiv DJ Bren.
Flik ha Folk #10
Spi ‘m eus e oa brav an Hañv hag ar vakañsoù ganeoc’h. Echu rouzañ dindan an heol ; poent eo distreiñ d’ar vuhez !
Hag evel-just adkregiñ selaou ouzh ho abadenn sonerezh blues, bluegrass ha folk, an abadenn« Flik ha folk »!
Hiziv e vo mesket a bep seurt tonioù a-benn dihuniñ ho pennoù, hanter-gousket gant an ehan hir-se. Un abadenn gouestlet dreist-holl da Vro-Amerika.
Ma ya, estreget traoù nul a zo er Stadoù-Unanet evel Trump pe ar boued-fall.
Bout zo ivez ar folk hag ar blues !
Prest da veajiñ e Bed ar sonerezhioù-se ? Digoret eo ho tivskouarn ?
Deomp de’i neuze !
