Category: Atersadennoù Radio Naoned

Atersadenn Steven Ion : da belec’h ez a klub mell-droad Naoned ?

Harperien ha harperezed feal an FC Naoned a zo dipitet bras gant stad ar c’hlub, ouzhpenn chom hep gwelet krogadoù abalamour d’ar c’hleñved-red.
Re zo re ! E miz Genver zo bet aozet manifestadegoù e-kerzh pleustradegoù ar re velen ha gwer evit goulenn groñs ma yafe kuit Waldemar Kita, perc’henn ha prezidant ar c’hlub abaoe 14 vloaz. Tamallet eo da gemer divizoù fall ha da vezañ re dost ouzh an arc’hant. Distruj a ra spered hag ene ar c’hlub hervez Steven Ion tremenet e studio Radio Naoned evit lavar deomp hiroc’h war stad ar re ganari a ziskenno marteze e Ligue 2 ar bloaz a zeu.

 

 

Pellgargañ

 

 

 

Atersadenn Per Morvan, brezhoneger ar bloaz 2021

Per Morvan zo bet tapet gantañ ar priz kentañ er rummad brezhoneger pe brezhonegerez ar bloaz. Loreet e oa bet miz zo gant Ofis Publik Ar Brezhoneg ha Frañs 3 Breizh. Ganeomp emañ hiriv. Kelenner war ar brezhoneg e Skol an Emsav e Roazhon hag ezel ar gevredigezh an Drouizig emañ.
Paotr e urzhiataer a zispleg deomp hiroc’h diwar-benn al labour a ra war tachenn ar stlenneg.

 

 

 

Pellgargañ

Atersadenn Guillaume Pichard : Brezhoneg e skol-veur Naoned

Abaoe ur sizhun bremañ e weler ur sinadeg o treiñ war ar rouedadoù sokial. Ur sinadeg evit goulenn ma vo kelennet brezhoneg e skol-veur Naoned en-dro an hini eo.
Guillaume Pichard ‘zo ezel eus ar CEBEP 44 (kenstroll evit ar c’helenn brezhoneg e skolioù publik al Liger-Atlantel), deuet betek e studio Radio Naoned evit displegañ hiroc’h deomp.

 

 

 

Pellgargañ

Diwan Naoned Su : Diaes ar jeu evit an adskol

Digor eo skol Diwan Naoned Su abaoe 2012 hag abaoe 2015 o deus dilojet er c’harter Clos-Toreau.
6 bloaz zo neuze emañ ar skolidi hag ar skipailh o labourat e-barzh ranndioù prestet gant ti-kêr Naoned.
Hag evel-just n’eo ket kondisionoù dreist evit ar vugale, an atsemed hag ar skolaerien.
Laurie Le Brouster a-youl vat evit Radio Naoned a zo bet o reportajiñ eno.
An dud aterset Flors Quatrevaux skoazeller, Marie Ronvel skolaerez, Mael tad ur bugel ha skolidi.

 

Pellgargañ