Category: Atersadennoù Radio Naoned

Atersadenn Gwenola Kerreg : Liorzañ gant ar skolajidi / skolajadezed

Gwenola Kerreg ‘zo kasourez e skolaj Diwan Liger-Atlantel e Sant-Ervlan. Ar bloaz-mañ he deus lañset ur raktres krouiñ ul liorzh gant ar skolajidi hag ar skolajadezed.
Treiñ an douar, touzañ al leton, plantañ gwez, hadañ legumaj pe sevel ul loch evit an amprevaned… A bep seurt a vez graet gant ar re yaouank. Ha laouen int o teskiñ ober war-dro an natur.
Marianne zo bet gant he sac’had goulennoù hag he sonenroller o kaout Gwenola. Homañ a gont pegen pouezus eo e 2020 lakaat tud yaouank da labourat er-maez ha d’ober war-dro an douar… En un doare fetis !

 

 

Pellgargañ

Atersadenn Gwenaelle Bizien : Ur c’henlabour etre bugale Diwan Naoned hag ar skipper Louis Burton

Gwenaelle Bizien ‘zo skolaerez e Diwan Naoned, sot gant ar bageal-dre-lien eo ivez. Anat e oa dezhi neuze e vije bet lakaet ar gaoz war ar Vendée Globe gant bugale he c’hlasad ! Asambles gant tad ur bugel o deus darempredet gant ar Skipper Louis Burton ha divizet krouiñ ur c’henlabour. Ar re vras hag ar re CP a c’hello neuze heuliañ ar redadeg war vor, met ivez, ober anaoudegezh gant geriaoueg ar mor, al loened dour, ar bigi…
Marianne Vaidie zo bet o toullañ kaoz gant Gwenaelle Bizien. Ha klasket he deus gouzout un tamm hiroc’h war munudoù ar c’henlabour-se.

 

 

Pellgargañ

Atersadenn Ewen Raballan : Stad ar jeu gant ar Redadeg

Evel kalzig a gevredigezhioù eo bet diaes an traoù evit ar Redadeg e-kerzh ar mizioù tremenet. An enkadenn yec’hed ‘deus lakaet aozerien·ezed ar Redadeg da ampellat darvoud 2020 da 2021. Redet e vo e 2021 hag e 2022 ? Penaos en em denn an dud a-youl vat gant ar skoilhoù dic’hortoz-se ?
Ewen Raballan ezel e burev ar Redadeg ‘neus respontet da c’houlennoù Marianne Vaidie.

 

 

 

 

 

Pellgargañ

Atersadenn Emmanuelle Herbet : Raktres savadurioù Amazon e Montreverzh

Emañ Amazon o tiorren e labour un tamm pep lec’h e Bro-Frañs. E kreisteiz Liger-Atlantel ez eus ur raktres sevel ur savadur 185 000 m² da zegemer ramz an dasparzhañ dafar.
Ganet ez eus ur c’henstroll nevez e Montreverzh da dalañ ouzh raktres Amazon. ANINA : Amazon Ni Ici Ni Ailleur en doa galvet da vanifestiñ disadorn da 2 eur evit ma ne vo ket savet savadurioù Amazon e su Breizh. Nag e lec’h all !
Emmanuelle Herbet ‘zo o chom e Montreverzh ar gumun m’emañ Amazon e soñj en em staliañ enni. Displegañ a ra ouzh mikro Melaine perak emañ a-enep ar raktres-mañ.

 

Pellgargañ