Bep bloaz e kinnig kreizenn Yezhoù ha Sevenadur darvoudoù sevenadurel. Diskouezadegoù, prezegennoù, lid-embann ul levr pe ur bladenn… Klok eo programm emglev bro Liger-Atlantel.
Ewan Thébaud a labour evel kenurzhier er gevredigezh, deuet da ginnig programm sevenadurel an distro-skol da Varianne Vaidie.
Alixia Thuau zo karget a gehentiñ en ACB (Ajañs Sevenadurel Breizhek). Abaoe penn kentañ miz Gwengolo e komañset an ACB 
en-dro gant e labour aozañ, renabliñ ha brudañ darvoudoù sevenadurel e Bro-Naoned. En em gavet eo Alixia ouzh mikro Marianne Vaidie, lakaat a reont ar gaoz war distro an obererezhioù hag an diaesterioù liammet d’an enkadenn yec’hed.
Tara Adeux ‘zo kenurzhierez ar gevredigezh Kentelioù an Noz. Tremenet eo ouzh mikro Marianne Vaidie da gontañ deomp penaos e 
vo an distro d’ar c’hentelioù brezhonek evit an dud deuet. Kinnig a ra deomp an obererezhioù nevez a vo lakaet pe adlakaet e plas ar bloaz-mañ.
A-benn dilun, d’an 21 a viz Gwengolo 2020, e vo dalc’het un emvod distro e kreizenn Yezhoù ha Sevenadur. Evit ma c’hello an dud lakaat o anvioù pe en em ditouriñ war mont en-dro ar gevredigezh.
Skignadennoù filmoù dibaouez, Sine-sonadeg… Brav eo ar programm a vo kinniget gant Gwarez Filmoù Breizh e Naoned evit 
Devezhioù ar Glad ! D’ar Sadorn 19 ha d’ar Sul 20 a viz Gwengolo 2020 e dielloù an Departamant.
Dre bellgomz eo en em gavet Mevena Guillouzic-Gouret da gontañ munudoù an aozadur da Varianne.
