Gwelatz Adeux a zo en ur raktres nevez anvet B.R.E.T.O.N.S ha n’emañ ket e-unan. Gant ar strolladoù The Kervegan’s, Digresk, izili 
eus Soldat Louis, pe c’hoazh ar strollad Armens o deus prientet un arvest eus ar c’hentañ. An tonioù brudetañ eus ar strolladoù a vo sonet ganto met ivez tonioù AC/DC pe c’hoazh Dropkick Murphy’s ha souezhadennoù a vo evel-just.
Lec’hiet etre Frozieg (Frossay) ha Sant-Widel-Skovrid (Saint-Viaud), ar C’harned (Le Carnet) a zo un dachenn hag a zo bet dibabet 
gant porzh Naoned-Sant-Nazer evit sevel ul lec’h eko-teknologel war 110 hektarad ha 51 hektarad a takad-gleborek en o zouez.
A-enep ar raktres ar strollegezh Stop Carnet a zo o stourm dibaoe ar penn-kentañ o aozan manifestadegoù pe darvoudoù a bep seurt.
Stourmerien ha stourmerezed o deus divizet d’en em staliañ war al lec’h ha sevel ur Zad.
Kazarn en eus kemeret perzh, displeg a ra hiroc’h da Marianne Vaidie.
Tifenn Merien ha Brendan Guillouzic-Gouret zo bet en em gavet sizhun ‘zo asambles gant o merc’h Lupita e ti-kêr Naoned. Deuet e 
oant da gerc’hat o levrig familh… Met unan divyezhek galleg / brezhoneg o doa goulennet kaout. Laouen e tle bezañ an dud yaouank gant an degemer en abeg ma oa ar wech kentañ da di-kêr Naoned lakaat embann paperioù ofisiel e brezhoneg. Marianne Vaidie a oa war al lec’h ivez da enrollañ soñjoù Brendan Guillouzic-Gouret. Un arouez eus ar c’hentañ eo ivez hervez Visant Roue anezhañ rener Pol Studi ha Diorren Ofis Publik Ar Brezhoneg.
Deuet eo Gweltaz Adeux ar c’haner mil vrudet e Breizh a-bezh evit enrollañ an abadenn Naoned e Live.
Tara Adeux ha Nikolaz Guerin a oa gantañ evit ar sonadeg enrollet e studio Radio Kerne Naoned.
A-raok enrollañ an abadenn o deus respontet d’un nebeud goulennoù savet gant Marianne Vaidie.
Ganto e vo klasket kompren petra eo ho sell da skouer war micherioù ar sonerezh hiriv an deiz, daoust hag-eñ eo aesoc’h ober eus ar sonerezh e vicher eget er bloavezhioù 80 pe 90. Pe c’hoazh gant peseurt strolladoù int levezonet.
Hag ouzhpenn da-se dre ma eo skignet ar sonadeg e-kerzh mizvezh ar brezhoneg hag ar gallaoueg e vo klevet o santimant war stad ar brezhoneg e Bro-Naoned.
Nag a draoù da ziskoachañ ganto.
