Tag: Diwan

SKOL AN EMSAV ER MIKRO #7 – Implij ar brezhoneg goude bezañ bet e Diwan gant Henri ha Marie-Claire

Stajidi ha stajiadezed Roazhon o deus kemeret perzh ar bloaz-mañ er c’henlabour etre Radio Naoned ha Skol an Emsav. An disoc’h ? Teir abadenn savet penn-da-benn gant an deskarded ha deskardezed, kronikennoù, atersadennoù pe c’hoazh tutoioù enno. Un doare a-feson evito da zizoleiñ bed ar radio en ur ober. 
Un digarez eo bet ivez da eskemm gant brezhonegerien ha brezhonegerez Bro-Roazhon tro-dro sujedoù liesseurt. 
Setu neuze abadenn Henri ha Marie-Claire a ginnig deoc’h un abadenn diwar-benn implij ar brezhoneg gant tud tremenet dre zDiwan.
Trugarez da Erell ha Tangi da vezañ respontet da atersadennoù an danvez kazetennerez ha kazetenner.

Sonerezh ar jenerik zo bet savet ha sonet gant Miss Ninóg.

Pellgargañ

Diwan Naoned Su : Diaes ar jeu evit an adskol

Digor eo skol Diwan Naoned Su abaoe 2012 hag abaoe 2015 o deus dilojet er c’harter Clos-Toreau.
6 bloaz zo neuze emañ ar skolidi hag ar skipailh o labourat e-barzh ranndioù prestet gant ti-kêr Naoned.
Hag evel-just n’eo ket kondisionoù dreist evit ar vugale, an atsemed hag ar skolaerien.
Laurie Le Brouster a-youl vat evit Radio Naoned a zo bet o reportajiñ eno.
An dud aterset Flors Quatrevaux skoazeller, Marie Ronvel skolaerez, Mael tad ur bugel ha skolidi.

 

Pellgargañ

Atersadenn Lukaz ha Gweltaz : ur staj rap gant tredeidi·adezed skolaj Diwan Liger-Atlantel

Tredeidi ha tredeadezed skolaj Diwan Sant-Ervlan o deus bet ar chañs da gemer perzh en ur staj rap kaset da benn gant Lukaz Nedeleg ha Gweltaz Foulon.
Tri frantad o deus bet evit skrivañ ar paozioù ha krouiñ ar sonerezh.
Enrollet o deus disoc’h o labour e studio Radio Naoned.
Klevout a rimp Yuna hag Appoline, skolajiadezed e klas trede ha Lukaz Nedeleg ha Gweltaz Foulon o deus graet war-dro luskañ ar staj.
Ma fell deoc’h kinnig stajoù rap kit e darempred gant Strollad La Obra : http://laobrabzh.blogspot.com/
Pe dre Facebook : https://www.facebook.com/Strolladlaobra

 

Pellgargañ an abadenn

Atersadenn Gwenaelle Bizien : Ur c’henlabour etre bugale Diwan Naoned hag ar skipper Louis Burton

Gwenaelle Bizien ‘zo skolaerez e Diwan Naoned, sot gant ar bageal-dre-lien eo ivez. Anat e oa dezhi neuze e vije bet lakaet ar gaoz war ar Vendée Globe gant bugale he c’hlasad ! Asambles gant tad ur bugel o deus darempredet gant ar Skipper Louis Burton ha divizet krouiñ ur c’henlabour. Ar re vras hag ar re CP a c’hello neuze heuliañ ar redadeg war vor, met ivez, ober anaoudegezh gant geriaoueg ar mor, al loened dour, ar bigi…
Marianne Vaidie zo bet o toullañ kaoz gant Gwenaelle Bizien. Ha klasket he deus gouzout un tamm hiroc’h war munudoù ar c’henlabour-se.

 

 

Pellgargañ