Deuet eo Gweltaz Adeux ar c’haner mil vrudet e Breizh a-bezh evit enrollañ an abadenn Naoned e Live.
Tara Adeux ha Nikolaz Guerin a oa gantañ evit ar sonadeg enrollet e studio Radio Kerne Naoned.
A-raok enrollañ an abadenn o deus respontet d’un nebeud goulennoù savet gant Marianne Vaidie.
Ganto e vo klasket kompren petra eo ho sell da skouer war micherioù ar sonerezh hiriv an deiz, daoust hag-eñ eo aesoc’h ober eus ar sonerezh e vicher eget er bloavezhioù 80 pe 90. Pe c’hoazh gant peseurt strolladoù int levezonet.
Hag ouzhpenn da-se dre ma eo skignet ar sonadeg e-kerzh mizvezh ar brezhoneg hag ar gallaoueg e vo klevet o santimant war stad ar brezhoneg e Bro-Naoned.
Nag a draoù da ziskoachañ ganto.
Tag: Music
Ribines Records : Just Jul’
Just Jul’ a zo DJ ha produer, ken krouer al label Mascarade records ha krouer ar web radio Nebulah Radio. Abaoe 6 vloaz emañ o 
tiorren ur sell disheñvel deus ar gouelioù gant an aozadurioù-mañ. Frank deus an diktatoù, digemplez hag entanet.
Fier ruz o tifenn ar Worldwide Music, e setoù a ya deus ar jazz betek ar sonerezh eletronek a zo graet evit an dancefloor. Sonet en deus gant arzourien hag arzourezed evel Voilaaa, GUTS, ZAJAZZA, Julien Le Brun, Gones, Soulist, Michel Cleis, Loefah, Mumdance hag e kêrioù bras evel Londrez, Bruxelles, Pariz, Gênes hag Istanbul…
JABADAO! #5 : Avelioù a gan ar frankiz
Marteze n’eo ket dreist-ordinal war ur radio e brezhoneg met hiriv e kaso deomp an abadenn nevez Jabadao! war-zu avelioù keltiek 
an Norzh ! E roll ar session e vo strolladoù kozh mil-vrudet (PLANTXY, CLANAD, THE CHIEFTAINS) ha mojennoù ar muzik a Vro-Iwerzhon (ANDY IRVINE, MICK MOLONEY, SHARON SHANNON, CAITLIN MAUDE, DANNY DOYLE) hag ur rebel song a Béal Feirste (THE BARLEYCORN). Met ivez ‘vo un tañvadig a Vro-Skos gant CAPERCAILLIE ha SILLY WIZARD, evel ur gammdro folk war-zu Amerika an Norzh gant ALI BAIN & JAY UNGAR et IRIS DEMENT. Slàinte!
THE BARLEYCORN – The Winds are singing freedom
CAPERCAILLIE – Skye Walking Song
ANDRY IRVINE – the blacksmith
ALIN BAIN & JAY UNGAR – Big Scioty
PLANTXY – Raggle Taggle Gypsy/Tabhaiur dom do laimh
THE CHIEFTAINS – The wind that shakes the barley/The reel with the beril
CLANAD – Teir Abhaile riù
IRIS DEMENT – Our Town
MICK MOLONEY – Molloy’s favourite & The Earls Chair
SHARON SHANNON – Reel Beatrice
SILLY WIZARD -Donald McGillavry/O’Neills Cavalry March
CAITLIN MAUDE – Roisin Dubh
THE CHIEFTAINS – O’Sullivan March
DANNY DOYLE – Lizzie Lindsay
Atersadenn Lukaz ha Gweltaz : ur staj rap gant tredeidi·adezed skolaj Diwan Liger-Atlantel
Tredeidi ha tredeadezed skolaj Diwan Sant-Ervlan o deus bet ar chañs da gemer perzh en ur staj rap kaset da benn gant Lukaz 
Nedeleg ha Gweltaz Foulon.
Tri frantad o deus bet evit skrivañ ar paozioù ha krouiñ ar sonerezh.
Enrollet o deus disoc’h o labour e studio Radio Naoned.
Klevout a rimp Yuna hag Appoline, skolajiadezed e klas trede ha Lukaz Nedeleg ha Gweltaz Foulon o deus graet war-dro luskañ ar staj.
Ma fell deoc’h kinnig stajoù rap kit e darempred gant Strollad La Obra : http://laobrabzh.blogspot.com/
Pe dre Facebook : https://www.facebook.com/Strolladlaobra
