Tag: Radio Naoned

Plas ar maouezed war leurennoù Breizh gant Anne-Gaelle Ardiet

Muioc’h-mui e vez lakaet ar gaoz war an ingalded etre ar merc’hed hag ar baotred, ha gwell aze ! Met labour a chom c’hoazh. E bed ar sonerezh da skouer n’eo ket kevelet ar merc’hed hag ar baotred war al leurennoù.

Anne-Gaelle ‘deus bet c’hoant da ziskouez dre ur gronikenn pegen skañv e oa an niver a vaouezed war leurennoù ar vro.
Diwar skouerioù ha sifroù kavet ganti en hec’h enklaskoù e tispleg deomp na ral e vez klevout merc’hed o seniñ dreist-holl.
Festoù-noz, sonadegoù met ivez er bagadoù n’eus ket kalz a vaouezed anvet da benn sonerez c’hoazh.

Pellgargañ

Buhez Bro-Naoned : Tavarn Le Petit R

An davarn gevredigezhel Le Petit R a zo staliet e Sant-Ervlan. Laure ha Tiphaine, izili ar c’huzul-merañ, o deus displeget hiroc’h da Varianne.
Ouzhpenn evañ ur banne kafe pe chug-avaloù e c’heller ivez kemer-perzh d’an darvoudoù aozet gant ar gevredigezh.
Atalieroù a bep seurt a zo kinniget ganto ha lakaat a reont ivez ar stalioù lec’hel de gemer perzh.
Ur raktres brav evit krouiñ liammoù gant an holl, tud ar c’harter pe c’hoazh annezidi Goueled Antr ha Koeron.

Pellgargañ

JABADAO ! #4 : Goulenn gant ar boultrenn

Deomp dezhi war ribouloù poultrennet dezerzh Amerika an Norzh pe e lec’h all, gant strolladoù Punk eus Oregon (WIPERS, ARCTIC FLOWERS, LAVENDER FLUE), dark post punk eus Bay Area (OTZI), un klasel eus ar 50s (LINK WRAY), rock neanter ar 60s (THE FUGS), muzik ar bloavezhioù 90 (FAITH NO MORE), punk a Vro-Saoz ( SWELL MAPS, THE NOW), rock eus Finland (22 PISTEPIRKKO), punk ar skwatoù Belgia (ULRIKE’S DREAM), hag un ton gant Joe Strummer an hini.

Da glevet en abadenn :

ARTIC FLOWERS – Magdalene
22 PISTEPIRKKO – Sad Lake City
ADAM GUSSOW – Crossroads blues
LINK WRAY – Rumble
OTZI – Ballad of Oiwa
COLTER WALL – Sleeping on the Blacktop
FAITH NO MORE – The grade
SWELL MAPS – New York
THE HANDSOME FAMILY – Far from any road
THE NOW – Into the Eighties
LAVENDER FLUE – Reverse Lives
THE FUGS – Nothing
WIPERS – Nothing left to loose
ULRIKES DREAM – Kraken Gaat Door
JOE STRUMMER & THE MESCALLEROS – Burning Lights

Pellgargañ an abadenn

Atersadenn Gwenola Kerreg : Liorzañ gant ar skolajidi / skolajadezed

Gwenola Kerreg ‘zo kasourez e skolaj Diwan Liger-Atlantel e Sant-Ervlan. Ar bloaz-mañ he deus lañset ur raktres krouiñ ul liorzh gant ar skolajidi hag ar skolajadezed.
Treiñ an douar, touzañ al leton, plantañ gwez, hadañ legumaj pe sevel ul loch evit an amprevaned… A bep seurt a vez graet gant ar re yaouank. Ha laouen int o teskiñ ober war-dro an natur.
Marianne zo bet gant he sac’had goulennoù hag he sonenroller o kaout Gwenola. Homañ a gont pegen pouezus eo e 2020 lakaat tud yaouank da labourat er-maez ha d’ober war-dro an douar… En un doare fetis !

 

 

Pellgargañ